मतदारसंघात काम बोलतंय, विकास करताना कधीही धर्म, जात पाहिली नाही, मंत्री छगन भुजबळांचे प्रतिपादन!

नाशिक,येवला,निफाड, दि.०९ सप्टेंबर :- येवला विधानसभा मतदारसंघात हजारो कोटी रुपयांची विकासकामे आपण केली आहे. ही विकासकामे करतांना कुठल्याही समाजावर अन्याय आपण होऊ दिला नाही. तसेच विकासाच्या या कामांमध्ये मी अधिक बोलण्यापेक्षा माझे कामे अधिक बोलतात असे प्रतिपादन राज्याचे अन्न, नागरी पुरवठा व ग्राहक संरक्षण मंत्री छगन भुजबळ यांनी केले.

मंत्री छगन भुजबळ यांच्या हस्ते निमगाव वाकडा व पाटोदा येथे विविध विकास कामांचे भूमिपूजन व लोकार्पण करण्यात आले. यावेळी आयोजित कार्यक्रमात ते बोलत होते.

यावेळी मंत्री छगन भुजबळ म्हणाले की, येवला नाशिक रस्ता काँक्रीटीकरण ५६० कोटी, लासलगाव विंचूर खेडलेझुंगे रस्त्यासाठी १३४ कोटी, लोनगंगा शिवनदीचे सुशोभिकरण करण्यासाठी प्रत्येकी १३ कोटी ५० लाख, येवला शिवसृष्टी पहिला टप्पा ११ कोटी, मुक्तिभुमी ३० कोटी,लासलगाव उपजिल्हा रुग्णालय १३.५० कोटी यासह कोट्यावधी रुपयांची कामे मतदारसंघात करण्यात येत असल्याचे त्यांनी सांगितले.

ते म्हणाले की, विकासाला कुठलीही जात धर्म आणि पक्ष नसतो. विकासाची ही कामे कुठल्याही जातीचा विचार करून नाही तर सर्व समाजासाठी आपण काम केली आहे. विकासाच्या या कामांबाबत आपल्याला अधिक बोलण्याचे काम नाही. विरोधक मात्र टीका करण्याचे काम करतात. मात्र या मतदारसंघात आपली विकास कामेच सर्व बोलतात आपल्याला बोलण्याचे कामच नाही अशी टीका त्यांनी केली.

गेली सतरा वर्ष विशेष प्रयत्न करून मांजरपाडा प्रकल्प पूर्ण केला आहे. गुजरातकडे वाहून जाणारे पाणी बोगदयाद्वारे वळण बंधाऱ्यांच्या माध्यमातून वळवून आपण ते डोंगरगावपर्यंत आणले आहे. यापुढील काळात अधिक बंधारे वाढवून अधिक पाणी येवल्यात कसे आणता येईल यासाठी लवकरच बैठक घेऊन काम सुरू करण्यात येणार असल्याचे त्यांनी सांगितले. महायुती सरकारने महिलांसाठी मुख्यमंत्री माझी लाडकी बहिण योजना सुरू केली आहे. या योजनेसाठी येवला मतदारसंघातील ९३ हजार महिलांना लाभ मिळाला असल्याचे त्यांनी सांगितले.

पालखेड डावा कालव्याच्या माध्यमातून पाटोदा परिसरातील सर्व बंधारे भरून देण्याचे आदेश सबंधित अधिकाऱ्यांना दिले असून लवकरच हे बंधारे भरले जाऊन पाण्यावाचून कुणीही वंचित राहणार नाही असे त्यांनी स्पष्ट केली.

मंत्री छगन भुजबळ यांच्या हस्ते या कामांचे झाले भूमिपूजन व लोकार्पण-

👉🏻 निमगाव येथे प्रादेशिक पर्यटन योजनेतील श्री.रेणुकामाता मंदिर परिसरातील विविध विकासकामांचे भूमिपूजन २ कोटी ९५ लाख,
👉🏻 डॉ. बाबासाहेब आंबेडकर सामाजिक विकास योजनेतील संविधान सभागृहाचे भूमिपूजन २० लाख
👉🏻 तलाठी कार्यालय-निवासस्थान बांधकाम भूमिपूजन – ३० लाख
👉🏻 पाटोदा येथे मंडळ अधिकारी कार्यालय व निवास बांधकाम लोकार्पण – ३५ लाख
👉🏻 कामगार तलाठी कार्यालय व निवासस्थान लोकार्पण – ३२ लाख
👉🏻 तीर्थविकास योजनेअंतर्गत भक्त निवास लोकार्पण – १२ लक्ष लाख
👉🏻 पाटोदा गांव अंतर्गत अल्पसंख्याक निधीमधून रस्ता कॉक्रीटीकरण करणे – १२ लाख
👉🏻 दहेगांव पाटोदा येथे मारुती मंदिरासमोर मुलभूत सुविधा योजने अंतर्गत सभामंडप बांधणे- १२.७२ लाख
👉🏻 २५१५ निधी मधून रस्ता कॉक्रीटीकरण लोकार्पण – १२ लाख
👉🏻 नागरी सुविधा योजने अंतर्गत पाटोदा गाव अंतर्गत २ रस्ते लोकार्पण २० लाख
👉🏻 दहेगांव पाटोदा गाव अंतर्गत नागरी सुविधा योजनेअंतर्गत रस्ता कॉक्रीटीकरण लोकार्पण – १० लाख
👉🏻 १५ व्या वित्त आयोग योजनेअंतर्गत स्मशानभूमी बांधकाम लोकार्पण – १० लाख
👉🏻 १५ व्या वित्त आयोग योजनेअंतर्गत स्मशानभूमीकडे जाणारा रस्ता कॉक्रीटीकरण लोकार्पण – १० लाख

यावेळी ज्येष्ठ नेते अंबादास बनकर, माजी जिल्हा परिषद अध्यक्ष पंढरीनाथ थोरे,राधाकिसन सोनवणे, अरुण थोरात, विधानसभा अध्यक्ष वसंत पवार, तालुकाध्यक्ष भाऊसाहेब भवर, कार्याध्यक्ष ज्ञानेश्वर शेवाळे, माजी जिल्हा परिषद सदस्य ज्ञानेश्वर जगताप, विश्वासराव आहेर, रतन बोरनारे, मोहन शेलार, साहेबराव आहेर, मंगेश गवळी, बाजार समितीचे उपसभापती गणेश डोमाडे, संचालक सुवर्णाताई जगताप, डॉ.श्रीकांत आवारे, शेखर होळकर, मच्छिंद्र थोरात, भगवान ठोंबरे, अण्णा पाटील दौंडे, , डॉ.प्रवीण बुल्हे, संजय पगार, रमेश बोरनारे, सरपंच सौ.सविता बोराडे, दत्तूपंत डुकरे, बाळासाहेब पुंड, सचिन दरेकर, तुकाराम गांगुर्डे, संजय घायाळ, मधुकर गायकर, निवृत्ती गायकर, संजय शेवाळे, बबन शिंदे, अमोल थोरे, राजेंद्र चाफेकर, रामभाऊ जगताप, शांताराम गायकर,विलास गोरे,मकरंद सोनवणे,पांडुरंग राऊत, रोहिदास सोनवणे, रंगनाथ गायकर, भाऊराव गायकर, बाळासाहेब गावडे, रावसाहेब पुरकर, संदीप गायकर, रवी गायकर, बाळासाहेब पिंपरकर, योगेश बोराडे, सुनील पैठणकर,दिपक गायकवाड, अशोक मेंगाने, संतोष दौंडे, प्रताप पाचपुते, रियाझ मुलाणी ,रौफ मुलाणी यांच्यासह प्रांत अधिकारी बाबासाहेब गाढवे,नायब तहसीलदार पंकज मगर, गटविकास अधिकारी महेश पाटील, उपअभियंता श्री.कुलकर्णी, उपअभियंता श्री.पंकज घोडे,यांच्यासह पदाधिकारी व कार्यकर्ते उपस्थित होते.