मुंबईत हज़रत मुसन्ना मियां यांच्या उरुसाला छगन भुजबळ यांची उपस्थिती, दिल्या मुस्लिम बांधवांना शुभेच्छा

१ ७ मार्च, मुंबई: शहीद-ए-राह-ए-मदीना उर्फ हज़रत मुसन्ना मियां यांच्या २२ व्या उरुसाचे भव्य आयोजन आज मुंबईतील छोटा सोनापूर येथील ईदगाह मैदानावर करण्यात आले आहे. ऑल इंडिया सुन्नी जमियातुल उलेमाचे अध्यक्ष मौलाना मोईन मियां यांच्या मार्गदर्शनाखाली आयोजित करण्यात आलेल्या या कार्यक्रमाला महाराष्ट्राचे माजी उपमुख्यमंत्री छगन भुजबळ यांच्यासह अनेक मान्यवर व्यक्तींनी उपस्थिती लावली.

हा कार्यक्रम केवळ एक धार्मिक उत्सव नसून, धार्मिक सौहार्द आणि एकात्मतेचे प्रतीक आहे. यावेळी मौलाना मोईन मियां यांचा भुजबळ यांच्या हस्ते सत्कार करण्यात आला, तसेच त्यांच्यासह उपस्थित सर्व मुस्लिम बांधवांना भुजबळ यांनी उरुस आणि रमजानच्या पवित्र महिन्यानिमित्त शुभेच्छा दिल्या. या कार्यक्रमात मुस्लिम समाजातील अनेक मान्यवर व्यक्ती उपस्थित होत्या, ज्यामुळे या उत्सवाला विशेष महत्त्व प्राप्त झाले.

माजी उपमुख्यमंत्री भुजबळ यांनी या कार्यक्रमाला उपस्थित राहून धार्मिक सौहार्दाचे संदेश दिले. भुजबळ हे नेहमीच विविध धर्मांचे सण आणि समारंभ उत्साहाने साजरे करतात आणि त्यांना शुभेच्छा देतात. यावेळी त्यांनी मुस्लिम समाजाच्या सर्वांगीण विकासासाठी शासनाच्या प्रयत्नांची माहिती देताना, धार्मिक एकात्मतेचे महत्त्व सांगितले.

या कार्यक्रमात माजी मंत्री सचिन अहिर यांनीही उपस्थिती लावली. त्यांनी या उरुसाच्या निमित्ताने मुस्लिम समाजाला शुभेच्छा दिल्या आणि धार्मिक सौहार्दाचे संदेश दिले. अशा कार्यक्रमांमुळे समाजातील विविध घटकांमध्ये एकता निर्माण होते आणि सामाजिक समरसतेला चालना मिळते, असे मत त्यांनी मांडले.

सध्या रमजानचा महिना सुरू असून हा मुस्लिम धर्मीयांसाठी अत्यंत पवित्र महिना आहे. या काळात समाजातील लोक उपासना आणि दानधर्माच्या कृतींद्वारे आपले आध्यात्मिक जीवन समृद्ध करतात. या महिन्यातील धार्मिक कृती आणि सामाजिक एकात्मता यांचे महत्त्व यावेळी सर्वांसमोर मांडण्यात आले.

शहीद-ए-राह-ए-मदीना उर्फ हज़रत मुसन्ना मियां यांच्या २२ व्या उरुसाचे आयोजन हे केवळ एक धार्मिक कार्यक्रम नसून, समाजातील विविध घटकांमध्ये एकता आणि सौहार्द निर्माण करण्याचे एक साधन आहे. या कार्यक्रमाला माजी छगन भुजबळ, सचिन अहिर आणि मौलाना मोईन मियां यांसारख्या मान्यवर व्यक्तींच्या उपस्थितीमुळे दुग्धशर्करा योग्य जुळून आला.