वेदांत फॅशन्स IPO ला शेवटच्या दिवशी मिळाले 2.5 पट सबस्क्रिप्शन

वेदांत फॅशन्सच्या प्रारंभिक सार्वजनिक ऑफरने (IPO) मंगळवारी सबस्क्रिप्शनच्या तिसर्‍या आणि शेवटच्या दिवशी गुंतवणूकदारांमध्ये थोडासा उत्साह दाखवला आणि तो 2.57 पट सबस्क्राइब झाला. वेदांत फॅशन्सचा IPO 4 फेब्रुवारी रोजी उघडला गेला. IPO उघडल्यानंतर पहिल्या दोन दिवसांपर्यंत गुंतवणूकदारांकडून खूपच कमी प्रमाणात प्रतिसाद मिळाला होता. फक्त 21% प्रतिसाद मिळाला .

IPO ला क्वालिफाईड इन्स्टिट्यूशनल बायर (QIB) श्रेणीमध्ये सर्वाधिक 7.49 पट सबस्क्रिप्शन मिळाले आहे. तर गैर-संस्थात्मक गुंतवणूकदारांच्या (NII) श्रेणीमध्ये, त्याला 1.07 पट सबस्क्रिप्शन मिळाले. किरकोळ गुंतवणूकदारांच्या श्रेणीमध्ये कंपनीला केवळ 39% सबस्क्रिप्शन मिळाले आहे. बॉम्बे स्टॉक एक्स्चेंज (BSE) वर उपलब्ध आकडेवारीनुसार, कंपनीला ऑफरवर असलेल्या 2,54,55,388 समभागांपैकी 6,53,72,718 समभागांसाठी बोली प्राप्त झाली आहे. हा IPO पूर्णपणे विक्रीसाठी ऑफर (OFS) स्वरूपात आहे. IPO साठी किंमत बँड रुपये 824 ते 866 रुपये प्रति शेअर निश्चित करण्यात आला आहे. कंपनीला प्राइस बँडच्या वरच्या स्तरावर IPO मधून 3,149 कोटी रुपये उभारण्याची अपेक्षा आहे. वेदांत फॅशन्समध्ये ‘मान्यवर’ आणि ‘मोहे’ सारखे कपड्यांचे लोकप्रिय ब्रँड आहेत ज्यांचे संपूर्ण भारतात अस्तित्व आहे. कंपनीचे इतर महत्त्वाचे ब्रँड मंथन, त्वमेव आणि मेबाज आहेत.

वेदांत फॅशन्स IPO GMP, आज ग्रे मार्केट निरीक्षकांच्या मते, मंगळवारी अनलिस्टेड मार्केटमध्ये वेदांत फॅशन्सचे शेअर्स 8 रुपये किंवा फक्त 1 टक्‍क्‍यांच्या प्रीमियमवर व्यवहार करत होते. याचा अर्थ असा की ग्रे मार्केटला या IPO च्या फ्लॅट लिस्टिंगची अपेक्षा आहे.