घरासमोरील कार घेऊन चोरटे पळाले; काही अंतरावर जाताच अपघात; तितक्यात मित्राचा फोन अन् मग…

परभणी शहरातील शांतीनिकेतन कॉलनीमध्ये घरासमोर उभी असलेली कार घेऊन चोरट्यांनी फळ काढला. मात्र काही अंतरावर जातात कारला अपघात झाल्याने चोरीचा प्रयत्न फसला. अपघात झाल्यानंतर चोरट्यांनी घटनास्थळावरून पळ काढला आहे. ही घटना परभणी-गंगाखेड महामार्गावरील पिंगळगड नाल्याजवळ घडली आहे.
परभणी: परभणी शहरातील शांतीनिकेतन कॉलनीमध्ये घरासमोर उभी असलेली कार घेऊन चोरट्यांनी फळ काढला. मात्र काही अंतरावर जातात कारला अपघात झाल्याने चोरीचा प्रयत्न फसला. अपघात झाल्यानंतर चोरट्यांनी घटनास्थळावरून पळ काढला आहे. ही घटना परभणी-गंगाखेड महामार्गावरील पिंगळगड नाल्याजवळ घडली आहे. कारला अपघात झाल्याची माहिती मित्राने फोन करून कार मालकाला दिली. त्यामुळे हा प्रकार लक्षात आला.
परभणी शहरातील शांतीनिकेतन कॉलनीमध्ये राहणाऱ्या अमोल गायकवाड यांनी एम एच १५ बी एक्स ००२५ क्रमांकाची आपली कार घरासमोर लावली होती. मात्र पहाटे पाच वाजता उठून पाहिल्यानंतर त्यांना आपली घरासमोर दिसून आली नाही. कारचा शोध घेत असताना त्यांना मित्रांनी फोन करून तुमच् कारला परभणी गंगाखेड महामार्गावरील पिंगळगड नाल्याजवळ अपघात झाला असल्याची माहिती दिली.
अमोल गायकवाड यांनी जाऊन पाहणी केली असता त्यांना आपली कार दिसून आली. अमोल गायकवाड यांनी अधिक चौकशी केली असता त्यांना प्रत्यक्षदर्शींनी कारला अपघात झाला तेव्हा आतमध्ये दोघेजण असल्याची माहिती मिळाली. अपघात झाल्यानंतर कारमधील दोघेजण खाली उतरून एका टेम्पोमध्ये बसून निघून गेले असल्याचे प्रत्यक्षदर्शींनी सांगितले. याप्रकरणी पोलीस ठाण्यामध्ये कुठल्याही प्रकारची नोंद करण्यात आलेली नाही. दरम्यान कारला अपघात झाल्यामुळे चोरीचा प्रयत्न फसला आहे.