Share Market Opening: शेअर बाजारात सकारात्‍मक सुरुवात; सेन्सेक्सची ३०० अंकांची कमाई, तर निफ्टीही जोमात
अमेरिकन शेअर बाजार शुक्रवारी हिरव्या चिन्हावर बंद झाला, ज्याचा परिणाम आज आठवड्याच्या पहिल्या दिवशी भारतीय शेअर मार्केटवर दिसत आहे. सोमवारी सकाळच्या व्यापार सत्राच्या सुरुवातीला बीएसई सेन्सेक्स २३४ अंकांच्या उसळीसह ६० हजार ८५५ अंकांवर खुला झाला तर राष्ट्रीय शेअर बाजाराचा निफ्टीची ७२ अंकांनी वाढून १८०९६ वर सुरुवात झाली. दरम्यान, बाजार वेगाने वाढत होत असून सद्य सेन्सेक्स ४०० अंकांच्या वाढीसह ६१,०२८ वर व्यापार करत असताना निफ्टी ११० अंकांनी वाढून १८,१३७ अंकांवर व्यवहार करत आहे.
आजच्यासकाळ च्या व्यवहारात रिअल इस्टेट आणि कंझ्युमर ड्युरेबल्स वगळता सर्वच क्षेत्रातील शेअर्समध्ये तेजी दिसत आहे. तर बँकिंग, आयटी, ऑटो, मेटल, एनर्जी, एफएमसीजी आणि इन्फ्रा क्षेत्रातील शेअर्समध्ये खरेदी होत असून स्मॉल कॅप समभागात तेजी तर निफ्टी मिडकॅप घसरणीसह व्यवहार करत आहे. तसेच सेन्सेक्समधील ३० समभागांपैकी २३ समभाग वाढून तर ६ समभागात घसरणीने व्यवहार होत आहेत. त्याच वेळी, निफ्टीच्या ५० समभागांपैकी ३४ समभाग वाढून तर १६ समभाग घसरणीच्या व्यवहार करत आहेत.
आजच्या सत्रात टाटा मोटर्स १.२५%, कोटक महिंद्रा १.१८%, एचडीएफसी १.०९%, एचडीएफसी बँक १.०३%, एसबीआय ०.९८%, इंडसइंड बँक ०.९५%, भारती एअरटेल ०.९३%, आयसीआयसीआय बँक ०.९२%, पॉवर ग्रिड ०.८०%, एचडीएफसी समभागात १.०९% तेजीने व्यवहार होत आहे.
अमेरिकन बाजाराने शुक्रवारी शानदार तेजी नोंदवली. डाऊन जोन्स ३३० अंक म्हणजेच १ टक्क्यांनी वाढून ३३३७५ स्तरावर बंद झाला. तर टेक कंपन्यांच्या निकालापूर्वी, टेक-आधारित निर्देशांक नॅसडॅकने २.६६ टक्क्यांची बंपर उसळी नोंदवली. नॅसडॅक कंपोझिट २८८ अंकांनी वाढून ११,१४० वर तर, एस अँड पी ५०० मध्ये १.८९ टक्के किंवा ७३ अंकांची वाढ झाली.