सदावर्ते यांची हकालपट्टी! संपाची दिशाभूल केल्याबद्दल MSRTC कर्मचारी संघटनेचा निर्णय
सदावर्ते यांची हकालपट्टी! संपाची दिशाभूल केल्याबद्दल MSRTC कर्मचारी संघटनेचा निर्णय
मुंबई | राज्यातील अनेक एसटी संघटनांनी संपातून माघार घेतल्यानंतरही विलीनीकरणाची मागणी करणारे वकील गुणरत्न सदावर्ते यांच्यावर एसटी संघटनांच्या प्रतिनिधींकडून जोरदार टीकास्त्र सोडले आहे. कर्मचाऱ्यांच्या संपाची दिशाभूल केल्याबद्दल MSRTC कर्मचारी संघटनेने सदावर्ते यांच्यावर जोरदार टीका केली आहे. वकील गुणरत्न सदावर्ते यांच्या आक्रस्ताळेपणामुळे या सामान्य एसटी कर्मचाऱ्यांची घरदारं बंद पडायची वेळ आली. गुणरत्न सदावर्ते यांनी विलीनीकरणाच्या मुद्द्यावरून कर्मचाऱ्यांच्या मनात संभ्रम निर्माण केला. एसटी कर्मचारी नैराश्यात गेले आहेत, असे ते म्हणतात. मात्र गुणरत्न सदावर्ते हेच डिप्रेशनमध्ये गेल्याचे आम्हाला वाटते, असे कास्ट ट्राईब ट्रान्सपोर्ट असोसिएशनचे सरचिटणीस सुनील निरभवणे यांनी सांगितले.
गुणरत्न नेहमीच कार्यकर्त्यांची दिशाभूल करत असतात. शरद पवार आणि परिवहन मंत्री अनिल परब यांच्याशी चर्चा केली. यावेळी त्यांनी एसटी कर्मचाऱ्यांच्या पगारवाढीतील त्रुटी दूर करण्याचे आश्वासन दिले. कर्मचारी अद्याप कामावर परत आले नाहीत तरच रोजगार वाचेल. एसटी कामगारांनी आपला उदरनिर्वाह वाचवावा. एसटी टिकली तरच आपला रोजगार टिकेल, हे कर्मचाऱ्यांनी लक्षात ठेवावे, असे सुनील निरभवणे यांनी सांगितले.
गुणरत्न सदावर्ते यांची हकालपट्टी करण्यात आली असून त्यांच्या जागी एसटी कर्मचाऱ्यांचे प्रतिनिधित्व करणाऱ्या अन्य वकिलाची नियुक्ती करण्यात येणार आहे. आता वकील सतीश पेंडसे यांच्यावर युक्तिवाद करण्याची जबाबदारी देण्यात आल्याची माहिती पत्रकार परिषदेत देण्यात आली.
महामंडळाच्या भविष्यासाठी कामावर रुजू व्हा, कर्मचाऱ्यांवर कोणतीही कारवाई होणार नाही – अनिल परब