आमचे सरकार असताना विलिनीकरण झाले नाही, रस्त्यावर एक आणि आत गेल्यावर एक

आमचे सरकार असताना विलिनीकरण झाले नाही, रस्त्यावर एक आणि आत गेल्यावर एक – जानकरांचा भाजपला घरचा आहेर

बुलढाणा | एसटी महामंडळाचे शासन विलिनीकरण करण्यात यावे या मागणीसाठी एसटीचे कर्मचारी गेल्या अनेक दिवसांपासून संपावर गेले आहेत. मुंबईतील आझाद मैदानात भाजप आमदार गोपीचंद पडळकर आणि सदाभाऊ खोत यांच्या नेतृत्त्वाखाली एसटी कर्मचाऱ्यांचं आंदोलन सुरु आहे. रासपचे राष्ट्रीय अध्यक्ष महादेव जानकर यांनीही एसटीच्या विलिनीकरणावर भाष्य केलं आहे. आमचं सरकार असतानाही हा प्रश्न निर्माण झाला होता, तेव्हाही विलीनीकरण कुठे झालं..? , रोडवर एक आणि आत गेल्यावर वेगळं असतं. म्हणून जनतेनं हुशार झालं पाहिजे हा त्यावरील एक पर्याय असल्याचं महादेव जानकर म्हणाले. स्वाभिमानी शेतकरी संघटनेचे नेते रविकांत तुपकर यांच्या भेटीसाठी जानकर आले होते त्यावेळी ते माध्यमांशी बोलत होते.