फूड डिलिव्हरी, शैक्षणिक सेवा नंतर ॲमेझॉन इंडिया बंद करणार आणखी एक सुविधा
जगातील सर्वात मोठ्या ई-कॉमर्स कंपनी Amazon कंपनीने भारतातील घाऊक (wholesale) वितरण सेवा (अमेझॉन वितरण सेवा) बंद करण्याचा निर्णय घेतला आहे. मागील काही दिवसांपूर्वी कंपनीने फूड डिलिव्हरी आणि शैक्षणिक सेवा बंद केल्यानंतर आता हा आणखी एक नवीन निर्णय घेतला आहे. कंपनीला आपल्या मूळ व्यवसायावर लक्ष केंद्रित करायचे असल्याने हा निर्णय घेतला आहे. अशा परिस्थितीत ते आपल्या उर्वरित सेवा बंद करत आहे. ॲमेझॉनचे हे पाऊल मंदीशी सबंधित आहे का या दृष्टीने या क्षेत्रातील तज्ज्ञ या निर्णयाकडे पाहत आहेत. अशा परिस्थितीत आगामी काळात जागतिक मंदीचा फटका संपूर्ण जगाला बसू शकतो. अशा परिस्थितीत कंपनी आपला मुख्य व्यवसाय चांगल्या प्रकारे हाताळू शकते, म्हणून ती उर्वरित व्यवसाय बंद करत आहे.
बिझनेस टुडेच्या अहवालानुसार, ॲमेझॉन वितरण सेवा प्रामुख्याने बेंगळुरू, हुबळी आणि म्हैसूरमध्ये उपलब्ध आहेत. ॲमेझॉनच्या या व्यवसायात सुमारे 50 कर्मचारी कार्यरत आहेत. वितरण युनिट कंपन्यांकडून किरकोळ विक्रेत्यांना जलद गतीने चालणाऱ्या ग्राहक वस्तूंचा पुरवठा करते. मात्र, वितरण व्यवसाय बंद करण्याबाबत अद्याप कोणतेही उत्तर ॲमेझॉन ने दिलेले नाही. सध्या जगभरात मंदीचा धोका आहे. यामुळेच मोठ्या कंपन्या आपल्या खर्चात कपात करत आहेत. यामध्ये ॲमेझॉनच्या नावाचाही समावेश आहे. ॲमेझॉनने भारतात अन्न वितरण आणि शिक्षण सेवा याआधीच बंद केली आहे. भारताच्या FMCG क्षेत्रात, Amazon ला भारतीय कंपन्यांकडून कठीण स्पर्धेचा सामना करावा लागत आहे. रिलायन्स इंडस्ट्रीज व्यतिरिक्त, टाटा समूह, वॉलमार्ट आणि फ्लिपकार्टचे एफएमसीजी क्षेत्रात वर्चस्व आहे. ॲमेझॉनने किराणा मालाच्या डिलिव्हरीपासून पेमेंट्स क्षेत्रात आपले स्थान निर्माण करण्यासाठी बरीच गुंतवणूक केली आहे, परंतु त्यात त्यांना फारसे यश मिळाले नाही.
– Amazon Academy बंद होणार
Amazon ने याआधीच जाहीर केले आहे की कंपनी येत्या काही महिन्यांत Amazon Academy देखील बंद करणार आहे. ॲमेझॉनने कोविड-19 दरम्यान याची सुरुवात केली होती. Byju’s सारख्या edtech कंपन्यांचे यश पाहून Amazon ने Amazon Academy सुरू केली. त्याच वेळी, कंपनीचा खाद्य व्यवसाय 2020 मध्ये सुरू झाला. आता तो ही बंद केला जात आहे.
– 10,000 लोकांना कामावरून काढण्याची तयारी
Amazon कंपनीचा खर्च कमी करण्यासाठी कंपनीतून मोठ्या संख्येने कर्मचाऱ्यांना काढून टाकू शकते. मीडिया रिपोर्ट्सनुसार, अॅमेझॉन जगभरातील आपल्या 10,000 कर्मचाऱ्यांना कामावरून काढू शकते.