पुणे : १० व्या जागतिक योग दिनानिमित्त सोमेश्वर फाउंडेशनच्या वतीने विशेष योग शिबिराचे आयोजन करण्यात आले होते. या विशेष योग शिबिराचे उद्घाटन माजी नगरसेवक सनी निम्हण व योग प्रशिक्षक मनिषा सोनवणे व उपस्थित ज्येष्ठ नागरिकांच्या हस्ते करण्यात आले. या शिबिरासाठी नागरिक मोठ्या उत्साहात सहभागी झाले होते. याप्रसंगी योग प्रशिक्षक मनिषा सोनावणे या योगाभ्यासाबद्दल माहिती देत उपस्थितांकडून योग करून घेतले. नागरिकांनाही याला प्रतिसाद दिला.
यावेळी बोलताना योग अनुभवण्यासाठी सातत्य गरजेचे असल्याचे सांगत प्रत्येकाने दैनंदिन जीवनात रोज योग करावा असे सनी निम्हण यांनी म्हटले आहे. याशिवाय मा. पंतप्रधान नरेंद्र मोदीजी यांनी 2014 ला योगासनाला आंतरराष्ट्रीय महत्त्व मिळवून दिले. निरोगीपणाला प्रोत्साहित करणारी आपली प्राचीन उपचार पद्धती जगाने स्वीकारली आहे. आपल्या दैनंदिन जीवनशैलीशी संबंधित विकारांवर रामबाण उपाय म्हणजे योग! म्हणुनच सर्वांनीच योगाचे महत्त्व जाणून आपल्या जीवनात योगासन केले पाहिजे.असेही सनी निम्हण यांनी म्हटले आहे.
पुढे योगाचे महत्व समजावून सांगताना देखील योगाभ्यासामुळे मानवी जीवनात शारीरिक, मानसिक आणि आध्यात्मिक पातळीवर अनेक सकारात्मक बदल घडून येण्यास मदत होते. सद्यस्थितीमध्ये योगसाधनेला आपल्या दैनंदिन जीवनातील अविभाज्य भाग बनवणे गरजेचे झाले आहे. आरोग्यमय जीवन जगण्यासाठी योगमय जीवनाला सुरुवात करण्गयासाठी अशा योग शिबिरांची गरज असल्याचे देखील माजी सनी निम्हण यांनी म्हटले आहे.
पंतप्रधान मा. नरेंद्रजी मोदी यांनी योगाचे महत्व सांगत २१ जून हा जागतिक योग दिन साजरा करण्याचा प्रस्ताव संयुक्त राष्ट्रसंघाच्या महासभेत सादर केला होता. तेव्हा २०१४ सालापासून योगाभ्यास आणि त्याचे फायदे याबाबत जनजागृती करण्यासाठी संपूर्ण जगभरात दरवर्षी २१ जून रोजी ‘जागतिक योग दिन’ साजरा केला जातो. यंदा याचे दहावे वर्ष आहे. प्रत्येक वर्षी एक विशेष उद्देश ठेऊन योग दिन साजरा केला जातो. मागील वर्षी ‘वसुदैवम कुटुंबकम’ ही संकल्पना राबविण्यात आली होती तर यंदा ‘self and Society’ या संकल्पनेवर योग दिन साजरा केला जाणार आहे.
सनी निम्हण गेल्या चार वर्षापासून राबतात विशेष योग शिबीर
जागतिक योग दिनानिमित्त मा. नगरसेवक सनी निम्हण हे प्रत्येक वर्षी विशेष योग शिबिराचे आयोजन करत असतात त्यामुळे याची पुणे शहरात चर्चा झाल्याशिवाय राहत नाही. कारण दरवर्षी वेगळी संकल्पना, सूक्ष्म नियोजन करण्यात ते पारंगत आहेत. म्हणूनच पुणे शहरातील नागरिकांना देखील सनी निम्हण यांच्या उपक्रमांची आवर्जून वाट पाहात असतात.
यंदाच्या योग शिबिरात सनी निम्हण यांनी ‘महिला सशक्तीकरण’ या संकल्पन राबवली होती. याला देखील नागरिकांनी प्रतिसाद दिला. तसेच शालेय विद्यार्थी देखील मोठ्या संख्येने या शिबिरात सहभागी झाले होते.