दोन ताऱ्यांची धडक अन् अंतराळात सोनंच सोनं… शास्त्रज्ञांनी नवं तारकामंडळ शोधलं

खगोलशास्त्रज्ञांनी पहिल्यांदाच एका अशा स्टार सिस्टीमचा शोध लावला आहे, ही तारकामंडळ एक दिवस सुपर-शक्तिशाली किलोनोव्हा स्फोट घडवून आणेल ज्यामधून सोन्याचे झरे फुटतील. शास्त्रज्ञांनी दोन न्युट्रॉन तारे (Neutron Stars) शोधून काढले आहेत ज्यांची लवकरच एकमेकांशी टक्कर होईल. हा अंतराळातील सर्वात शक्तिशाली स्फोटांपैकी एक असेल.

आतापर्यंत शास्त्रज्ञांनी असे फक्त १० तारकामंडळ शोधून काढले आहेत, त्यामुळे हा शोध अत्यंत खास मानला जात आहे. खगोलशास्त्रज्ञांनी बायनरी स्टार सिस्टीम शोधण्यासाठी चिलीमधील सेरो टोलोलो इंटर-अमेरिकन वेधशाळेत SMARTS 1.5- मीटर दुर्बिणीचा वापर केला. ही प्रणाली आपल्या आकाशगंगेमध्ये पृथ्वीपासून सुमारे ११,००० प्रकाशवर्षांच्या अंतरावर स्थित आहे. शोधलेल्या नवीन सिस्टीममध्ये किलोनोव्हा घटना होण्यासाठी सर्व योग्य घटक आहेत. हे संशोधनाचे नेचर जर्नलमध्ये प्रकाशित करण्यात आले आहे.

CPD-29 2176 सिस्टीम सर्वात पहिले नासाच्या नील गेहरल्स स्विफ्ट वेधशाळेने शोधून काढली होती. त्यानंतर SMARTS 1.5- मीटर दुर्बिणीद्वारे त्याचे विश्लेषण केले गेले. यामुळे खगोलशास्त्रज्ञांनी याची कक्षीय वैशिष्ट्ये आणि ही सिस्टीम बनवणाऱ्या ताऱ्यांचे प्रकार ओळखता आले. तेव्हा त्यांना असे आढळून आले की या सिस्टीममध्ये एक न्यूट्रॉन तारा आहे जो अल्ट्रा-स्ट्रीप सुपरनोव्हाद्वारे तयार झाला आहे. तो जवळच्या परिभ्रमण करणाऱ्या मोठ्या ताऱ्याचा आहे, जो अल्ट्रा-स्ट्रीप सुपरनोव्हा बनण्याच्या प्रक्रियेत आहे.

अल्ट्रा-स्ट्रीप सुपरनोव्हा म्हणजे त्याच्या आयुष्याच्या अखेरीस एका मोठ्या ताऱ्याचा स्फोट होणं. या किलोनोव्हा इव्हेंटसाठी खगोलशास्त्रज्ञ अत्यंत उत्साहित आहेत. कारण, ते किलोनोव्हा कसे तयार होते आणि जगातील सर्वात उत्तम घटकांच्या उत्पत्तीवर प्रकाश टाकेल, त्यांचं रहस्य उघड करेल.