LPG सबसिडी बाबत बदलले नियम, सबसिडी सुरू होणार!
LPG सबसिडी बाबत बदलले नियम, सबसिडी सुरू होणार!
तुमच्या एलपीजी गॅस सिलेंडर बुकिंगवर सबसिडी मिळत नसेल, तर तुम्हाला एक प्रक्रिया पूर्ण करावी लागेल. हि प्रक्रिया पूर्ण केल्यानंतरच एलपीजी सबसिडीचे पैसे तुमच्या बँक खात्यात जमा होतील . याबाबतीत आनंदाची गोष्ट म्हणजे यासाठी कुठेही जाण्याची गरज नाही. हे आपण घरी बसूनही करू शकतो. कोरोना महामारी संकटाच्या काळात सरकारने एलपीजी गॅसवरील सबसिडी बंद केली होती. पण हे अनुदान 1 तारखेपासून पुन्हा सुरू करण्यात आले आहे.
एखाद्या ग्राहकाला जर आधी एलपीजी सबसिडी मिळत होती आणि आता ती मिळत नसेल तर ते पैसे का मिळत नाहीत, हे माहिती करून घ्यावे लागेल.
एलपीजी सबसिडीचे नियम निश्चित आहेत. त्यांचे लाभार्थी कोण असतील हेही ठरले आहे. त्यामुळे सबसिडी का जमा होत नाही हे ग्राहकाला कळायला हवे.
सध्या ग्राहकांना प्रति सिलिंडर 79.26 रुपये प्रमाणे सरकार सबसिडी देत आहे.
काय आहे सबसिडी ट्रॅकिंग प्रक्रिया
1. mylpg.in या वेबसाइटवर जा.
2. उजव्या बाजूला तिन्ही कंपन्यांच्या एलपीजी गॅस सिलिंडरचे फोटो दिसतील.
ग्राहज ज्या कंपनीचा गॅस सिलेंडर वापरत असेल त्या फोटोवर क्लिक करावे लागेल.
3.एक नवीन विंडो उघडेल ज्यामध्ये तुमच्या गॅस सेवा प्रदात्याची माहिती दिली जाईल.
4. जर तुम्ही नवीन वापरकर्ता असाल तर वर उजवीकडे साइन-इन करावे आणि नवीन वापरकर्त्यासाठीचा जो एक पर्याय आहे तो निवड करावा.
5. ग्राहकाचा एलपीजी आयडी आधीच तयार केला असेल तर ग्राहकाला साइन इन करणे आवश्यक आहे.
6.यानंतर जी विंडो उघडेल, त्यात उजव्या बाजूला असलेला View Cylinder Booking History हा पर्याय निवडावा. तुम्हाला सबसिडी मिळते की नाही हे कळेल.
अनुदान न मिळाल्यास, तुम्ही १८००२३३३५५५ या टोल फ्री क्रमांकावर तक्रार करू शकता.
एलपीजी सबसिडीचे बदलले नियम!
जर ग्राहकाच्या बॅंक खात्यात एलपीजी सबसिडी जमा होत नसेल तर त्याची कारणे पुढीलप्रमाणे असू शकतात.
1.ग्राहकाचा बँक खाते क्रमांक चुकीचा असणे.
2.ग्राहकाचा आधार कार्ड एलपीजी कनेक्शनशी लिंक केलेला नसणे.
3.वार्षिक उत्पन्न 10 लाख रुपये किंवा त्याहून अधिक असणारे सबसिडीसाठी अपात्र आहेत. जर कमाई 10 लाख रुपयांपेक्षा कमी असेल, तर तुम्ही त्यासाठी अर्ज करू शकता. जर तुमचे उत्पन्न रु 10 लाखांपेक्षा कमी असेल परंतु तुमची पत्नी/पती देखील कमावत असेल आणि दोघांचे मिळून उत्पन्न रु.10 लाखांपेक्षा जास्त असेल, तर तुम्ही सबसिडीसाठी अपात्र आहात.