आमदार प्रणिती शिंदेनी दमदाटी केलेला काँग्रेस कार्यकर्ता भाजपात

सोलापूर: कॉंग्रेसच्या सोलापूर लोकसभेच्या उमेदवार आमदार प्रणिती शिंदे यांनी आपल्या पक्षातील कार्यकर्त्याला दमदाटी केली याला कंटाळून या कार्यकर्त्याने थेट भाजप व महायुतीचे लोकसभेचे उमेदवार आमदार राम सातपुते यांच्या उपस्थितीत भारतीय जनता पक्षात प्रवेश केला. यावेळी आमदार राम सातपुते यांना प्रचंड मताधिक्याने निवडून आणण्याचा निर्धार उपस्थित सर्व कार्यकर्त्यांनी केला.

काँग्रेस पक्षाचे स्वतान्त्र्यसैनिकनगर, कर्णिक नगर परिसरातील सक्रीय कार्यकर्ते बाबुराव क्षीरसागर यांना फोन फोन करून आमदार प्रणिती शिंदे यांनी दमदाटी केल्याचे नुकतेच उघड झाले होते. यासंदर्भातील ऑडीओ क्लिप सध्या सोशल मिडीयावर प्रचंड व्हायरल होत आहे.

‘काय नाटक सुरु आहे तुमचं , हिंमत असेल तर मला येऊन भेटा. सहा महिन्यात तुमचा संपर्क नाही. आमच्या अडचणीच्या काळात तुम्ही दिसतच नाही मला कुणाला विचारण्याची गरज नाही स्तंटबाजी करू नका’ अशा शब्दात काँग्रेसच्याच कार्यकर्त्याला बोलल्याची ऑडीओ क्लिप मधून समोर आले आहे.

कॉंग्रेसचे एवढे प्रामणिकपणे काम करून देखील नेते कार्यकर्त्यांशी असे बोलल्याने नाराज झालेले बाबुराव क्षीरसागर , सुशील नाटकर आणि सहकाऱ्यांनी भारतीय जनता पक्षात प्रवेश केला. यावेळी अजिंक्य कटाप , सुदर्शन क्षीरसागर, देविदास शिंदे अमोल जाधव, गणेश साळुंखे, चंद्रशेखर सरवदे, विकास धायफुले, अमित हिबारे, श्रेयश कटारे, साईनाथ क्षीरसागर, अक्षय कारंजे, योगीनाथ मिनकेरी, बालाजी मिनकेरी, गणेश बनसोडे, राकेश यन्नाम, आदित्य पुकाळे, विनय हंचाटे, रोहन पतंगे, शार्दुल कोठे, विजय गायकवाड आदी कार्यकर्ते उपस्थित होते.