🗳️ स्थानिक स्वराज्य संस्थांच्या निवडणुकीचा कार्यक्रम जाहीर 🗳️

मुंबई : महाराष्ट्र राज्यातील २४६ नगर परिषद व ४२ नगर पंचायत निवडणुकांसंदर्भात राज्य निवडणूक आयुक्त यांनी पत्रकार परिषदेत निवडणूक कार्यक्रम जाहीर केला आहे.

By Team Sajag Marathi On Nov 4, 2025 0

निवडणूक आयोगाच्या माहितीनुसार, १० नोव्हेंबर ते १७ नोव्हेंबर २०२५ या कालावधीत उमेदवारी अर्ज दाखल करता येणार आहेत. त्यानंतर अर्ज छाननी, अर्ज मागे घेण्याची मुदत व उमेदवारांची अंतिम यादी प्रसिद्ध करण्यात येईल.

मतदान प्रक्रिया २ डिसेंबर २०२५ रोजी पार पडणार असून, ३ डिसेंबर २०२५ रोजी मतमोजणी केली जाईल.

राज्यभरातील स्थानिक स्वराज्य संस्थांच्या या निवडणुकांमुळे ग्राम-नगर पातळीवरील राजकीय हालचालींना वेग आला आहे. विविध राजकीय पक्षांकडून उमेदवार निवडीसाठी हालचाली सुरू झाल्या असून, मतदारसंघात प्रचाराचं रणशिंग फुंकलं गेलं आहे.

राज्य निवडणूक आयोगाने सर्व संबंधित जिल्हा प्रशासनांना निवडणूक तयारीसाठी आवश्यक निर्देश जारी केले आहेत.